吳業坤愛妻暢遊主題樂園　大晒正面靚樣獲讚Kawaii

歌手吳業坤今年5月宣布與日籍女演員濱口愛子（Aiko Hamaguchi）結婚，日前老婆生日，吳業坤罕有於社交網放閃大晒結婚相，不過就全部遮住老婆靚樣，兩公婆始終未有同框「露面」，唔少粉絲都跪求「還我愛子靚樣」，相隔數日終於輪到愛子PO相代老公「找數」，佢晒出兩張從後攬住吳業坤嘅婚紗相，其中一張終於露出側面靚樣，見佢冧爆甜笑幸福滿瀉，不過今次就到吳業坤唔見樣，兩公婆一樣咁鍾意玩神秘！

而今日（24日）Aiko就同伍富橋老婆去咗主題樂園玩，見佢玩得超開心，仲影咗唔少靚相，Aiko更興奮喺貼文寫到：「第一次去香港主題樂園，我玩得好開心。」唔少網民都讚佢靚女同埋Kawaii呀！