戴祖儀一曬即黑　返內地喪食暴脹

藝人戴祖儀早前北上4個月，拍攝電視劇《香港人在北京》，先後到訪寧波、北京及廣州拍外景，並趁着空檔四圍觀光，包括遊覽故宮及天安門等景點，她更特意穿上旗袍遊故宮搶鏡，笑言被人封為「心機女」：「返到香港最唔習慣係要拎銀包，喺內地一部電話已經搞掂晒。內地真係好多美食，搞到我肥咗3kg（約6.6磅）返嚟。」

由於拍攝期正值炎夏，祖儀曬黑了不少：「加上我本身有馬來西亞血統，一曬即黑，反而吳若希點曬都唔黑，皮膚真係好好。」她又透露今次與與展鵬、洪永城和吳業坤較多對手戲，每天開工都很多歡樂笑聲，又重提吳業坤帶生果刀仔上飛機被發現一事：「佢仲用普通話問安檢人員講『不行嗎？』，對方聽到忍不住大笑，佢啲九唔搭八嘅普通話真係好好笑。」