索媽Keep弗有妙法！余香凝收身「法寶」大公開

圈中有唔少星級靚媽，生B冇耐就火速收身成功，回復Hot爆身材，彷彿冇生過一樣，而且各有各Keep弗妙法，各位媽媽級嘅姊妹們要學嘢啦！打頭陣嘅有藝人余香凝，本來身形高挑、四肢纖幼嘅佢，去年為圈外老公誕下一女，但產後短短兩個月已勁減35磅，瘦到有腹肌，除咗全靠地獄式做Gym，最大原因竟然係因為囡囡，事關佢將囡囡當啞鈴，喺囡囡體重得20磅時已「負重」抱住行山，依家囡囡歲半人仔，佢仲索性舉高囡囡做運動，湊女同時做Gym，一舉兩得，難怪身材咁好啦！

另一位弗爆索媽就係梁諾妍，佢去年尾為老公洪永城誕下一女，本身熱愛跑步嘅佢喺佗B時照樣繼續跑，雖然曾引起網民爭議，但佢堅持懷孕都要做適量運動，成功做到肥肚唔肥人，佗B至生完後一樣咁苗條！而佢仲配合埋健身雙管齊下，練出超結實「川」字腹肌，相當吸睛。