东网电视
更多新闻短片
玄学家七仙羽（七师傅）、艺人李芷晴、余晓彤、吴紫韵、李亦乔、王虹茵及许芯悦下午（26日）出席《赤脚慈行》记者会，除七师傅外，其馀6位艺人皆赤脚现身，6人将于11月以接力形式，连续6日5夜赤脚走遍全港17区。活动上七师傅更以睇脚评靓女，笑言男士们拣女仔可睇脚，她指观乎吴紫韵一双脚又白又嫩，应该是有钱人绝对是生活无忧，反观李亦乔缩埋脚趾，似乎做咗亏心事，又指许芯悦脚甲太白似乎营养不足。而李亦乔则解释因为天生脚趾折弯，觉得自己有缺陷一直不敢示人，但今次为慈善终于克服豁出去，又呼吁大家多关注有缺陷人士。
李芷晴受访时表示近期正加紧练习：“我自己比较少运动，要做多啲Training练好体能，近排又去海旁行吓啲石仔路，教练易同我哋解释香港嘅路面系加入咗玻璃粉，教我哋赤脚行路只脚唔好拖住行，减少受伤。”谈到她早前参选《香港小姐再竞选》并成功打入三甲并夺得《最佳进步奖》，她指赛果仍未公布，所有参赛者都很希望夺奖，又笑言赛前很多朋友替她担心：“佢哋好惊我之前已经落选过，今次再落选会好大打击，我参加得当然系好想赢，但最主要系好想借住今次机会畀观众睇到我嘅成长。”
她坦言自己“冇嘢输”所以没有负担，更因今次参赛而有所得益：“无论身边朋友同屋企都觉得我自信咗，对比当年比赛自己喺台上好惊青，依家起码睇落淡定好多。”谈到工作她表示现正拍剧及做主持工作，希望自己能两边兼顾，问到会否想冧庄抽到台庆大奖？她笑称：“呢啲机会留返畀其他人啦，我觉得已经攞到个好运，就将呢个好运分享畀其他人啦。”
至于七师傅被问到为何今日不赤脚上阵？她尴尬表示因脚生得唔靓：“以前成日着高踭鞋搞到啲脚趾骨突出嚟，唔好睇。（有冇睇医生？）医生话要开刀先可以搞番靓。”她表示以往于印度修行时经常赤脚行，甚至走入商场也是赤脚。谈到人气男团MIRROR复工，她直言睇好12子：“会比之前更红更劲，其实有好多人等佢哋出返嚟，而且佢哋有好多粉丝背后支持，我自己都仲有10张演唱会飞冇退票，最紧要佢哋克服内心嘅阴影，佢哋OK嘅。”
李芷晴天生靓脚！
七仙羽逐一点评！
吴紫韵（左）同李亦乔条腿靓唔靓？
今次有脚趾睇！
七仙羽又嚟料！
