黃翠如拒蕭正楠送驚喜 收到最好禮物係呢樣嘢!
20221027
東網電視
更多新聞短片
![](/hk/bkn/cnt/entertainment/20221027/photo/bkn-20221027170109517-1027_00862_001_01p.jpg?20221027231307)
藝人黃翠如今日(27日)現身保育活動,本月23日生日她獲眾閨蜜炮製驚喜慶生:「連詩雅同陳自瑤陪我行山,由朝行到晚,去咗保育區,搵唔到車搭,最後要摸黑落山,佢哋好驚,但我唔驚,覺得個經歷好得意,好似探險咁。第二日佢哋又搞咗個驚喜派對,佢哋呃我話唔得閒嚟,所以先陪我行山,真係用心良苦。」而另一好姊妹唐詩詠就預先躲在翠如家的廚房內送蛋糕,翠如大讚對方可愛。
問到老公蕭正楠可有驚喜給她?她稱事先已叫對方不要送驚喜:「我係好怕驚喜嘅人,怕大家為我做太多嘢,老公有陪我行沙灘同食飯慶祝,佢仲送咗枝我鍾意嘅香水做禮物,其實我哋兩個對於物質都冇乜沒欲望,之前大家互送植物,我覺得係最好嘅禮物。」
提到她在生日當天晒泳照,她否認是大解放:「一啲解放都冇,輯相係我去馬來西亞,我嘅好朋友幫我影,我每次去當地,佢都會幫我影一輯,佢話如果你今次唔甫相就呢世都唔好甫。(網友話你件泳衣冇睇頭,係咪最大尺度?)我係冇睇頭,我冇乜泳衣,因為我唔識游水。」她指自己有為這位好友操刀大肚裸照,但自己則接受不了被拍裸照:「我最有信心係着晒衫,我比較鍾意做揸機嗰個。(如果老公揸機呢?)冇咁嘅必要。」另外,問到生日願望,翠如指過去一年家人與自己都多病痛,故希望大家身體健康,問到她現時的身體狀況?她說:「身體OK,至於拍劇就隨緣啦,睇公司安排,我知公司想我拍個旅遊節目。」