呂家公主︱小如豬生日　Edan例牌面貼面嘟嘴

組合MIRROR成員呂爵安（Edan）妹妹小如豬一轉頭就18歲大個女，集萬千寵愛在一身嘅佢，每年都得到Edan出post嗌大家同妹妹送祝福，今年雖然阿哥遇上不如意事，但錫阿妹錫到燶嘅佢都一樣要慶祝，又晒出例牌攬實小如豬嘅合照，加埋面貼面嘟嘴相，真係睇見都有愛，又sweet爆留言：「Happy birthday my love❤️#眨吓眼18歲??#愈嚟愈靚☺️#即係愈嚟愈似我?#繼續開開心心健健康康❤️」本身已經被指兩兄妹餅印一樣，依家小如豬又大一歲，染咗髮嘅佢同阿哥Edan更加似樣，難怪Edan都話祝阿妹愈嚟愈靚啦。