雷有輝想拉兒子上台表演：我驚佢勁過我！

太極樂隊主音雷有輝（Patrick）今日（31日）現身《勁歌金曲》錄影，提到他原定於去年舉行的個人演唱4度延期，他表示已定於明年5月舉行：「因為場地要重新排過，流程、海報同演唱會主題都要重新做過，同埋會為個唱寫首主題曲。（製作費大咗？）我唔清楚，我只係負責音響部分，財政有專人負責。」

他笑言被公司工作人員指他是首位香港歌手的個唱4度延期，可謂破紀錄，他說：「其實今次個演唱會可以話係取消咗再重燃，因為連主辦單位都唔同咗，但我之前承諾咗歌迷會開，所以一定要兌現。」至於嘉賓方面，他稱太極其他成員一定會全力支持，但其他嘉賓仍未落實，問到兒子屆時會否上台表演？他說：「睇佢練習成點，今年係佢大學最後一年，我都唔敢迫佢，睇佢有冇時間同興趣上台，而且都要比我過目。（睇佢表現合唔合格？）合格就一定，我驚佢勁過我，搶我風頭就唔好。」