剛傳出戀虞書欣　王鶴棣當眾咀陳鈺琪疑撻着

因參演劇集《蒼蘭訣》而爆紅嘅23歲內地男星王鶴棣，依家升呢一線小生，劇接劇做到冇停手，早前就有傳過佢同《蒼》女主角虞書欣假戲真做，就連劇集導演都曖昧回應話係佢「內心的秘密」，令戀情更加似層層。點知呢兩日再傳出王鶴棣嘅真命天女其實係有「最美趙敏」之稱嘅30歲陳鈺琪！

成為新一代男神嘅王鶴棣，近日同陳鈺琪合作新劇《浮圖緣》，雖然係扮姐弟戀兼相差6年，但二人外型合襯，最近更有二人試咀嘴戲嘅片段流出，兩人之間嘅微動作竟然被指係撻着「鐵證」。試戲期間，二人要甜蜜接吻表現肉緊，王鶴棣就索性環抱女方，完事後陳鈺琪又輕輕打咗對方一下，讚賞對方接吻技巧專業，咀完王鶴棣仲似乎意猶未盡繼續攬住陳鈺琪條腰，二人即傳出緋聞。雖然曾傳過王鶴棣有一位拍拖6年都未曾露面嘅圈外女友，不過依家佢啲緋聞一單傳一單，唔知佢男神地位仲保唔保得住呢？