終於現真身！周勵淇一家三口激罕合體

藝人周勵淇（Niki）2018年突然宣布結婚，閃嫁內地演員傅浤鳴，婚後誕下1子，不過佢哋非常低調，甚少同框露面，一家三口合照畫面更係買少見少，只在去年曾晒出兩公婆一人一邊拖住囝囝嘅溫馨照，但只得囝囝入鏡，Niki同老公只係露出手臂，非常神秘。昨日（1日）Niki於社交網分享一家三口同遊主題樂園，見囝囝Morris勁興奮，全程紮紮跳，行到半路Niki仲將Morris抱起，畫面溫馨。之後佢哋將重現一家三口手拖手嘅場面，最特別係今次Niki同老公終於「現真身」，仲齊齊着上白Tee，大玩家庭裝，激罕公開全家福，相當難得。