楊洋深V西裝襲晚宴　變「名媛搶手貨」任影唔嬲

內地男神楊洋人氣高企，去到邊都成為熱話，繼早前到婚紗店附近拍戲，引來一大班新娘子「逃婚」上前集郵後，日前佢獲邀出品牌晚宴，再一次造成哄動！其工作室上載其當晚造型靚相，見佢以一身黑色鬆身西裝上陣，低調慵懶中又不失貴氣，最大亮點係其超Deep V領設計，若隱若現騷心口，唔單止引死一班女粉絲，就連晚宴現場都同樣一發不可收拾，從現場片段可見，楊洋一進場即成為全場焦點所在，所有賓客嘅眼神都落在佢身上，同場一眾名媛更爭相同楊洋合照，楊洋頓時變成「名媛搶手貨」，而佢亦來者不拒，企定定大方任影，相當識做。