劉佩玥上吐下瀉無數次險「暴斃」　感激姑媽救回一命

藝人劉佩玥下午出席《超能使者》宣傳。日前突然入院的她受訪時表示，自己經休息後已無大礙，且憶述：「嗰日本來肚瀉，點知深夜開始嘔吐，上吐下瀉無數次，所以要入院。本來以為父母會聽到，行出來照顧我，點知佢哋太熟睡，最後係姑媽發現，救返我一命，差啲「暴斃」喺廁所！」

她表示原意是發貼文多謝醫護人員的照顧，豈料嚇倒不少親友，但多謝大家關心。當問到緋聞男友周志文可有探病，她答：「冇，我好快出院喇。（傳短訊？）好多男、女朋友都有，佢係其中一個，總之大家唔使擔心，我希望下次入院係生小朋友啦。」

記者笑她過度減肥，或令身體出現異樣，她連聲否認：「大家睇《超》劇覺得我好瘦，不過之前拍《美麗戰場》被葉念琛谷肥咗，依家我要以《超》劇時候嘅自己做目標，開始健康地減肥，回復最佳狀態。」至於有網民指她長髮比短頭髮好看，劉佩玥笑言：「靚嘅係我，而唔係頭髮喎，哈哈！」