孫儷做校長極催淚　助貧困山區女孩用知識改變命運

內地花旦孫儷貴為劇后，演技當然母庸置疑，近日有指佢將會接拍新劇《大山裡的女校》，飾演校長張桂梅喺雲南麗江開辦學校，免費幫貧困山區女孩提供學習機會，令佢哋以知識改變命運，內容相當勵志，並且係以真人真事改編，極度催淚。

劇中孫儷演嘅角色張桂梅係真有其人，現實中嘅張桂梅從事教育工作40多年，依家係麗江華坪女子高級中學嘅校長，呢間學校亦都係內地第一所免費嘅女子中學，逾10年間幫助咗超過1600位貧困山區嘅女孩有機會考入大學，即使佢不幸患上癌症，喺治療期間都繼續教育工作，撰人熱淚，一眾網民都話由形象正面嘅孫儷演張桂梅，絕對係最佳人選呀！