祝緒丹吊帶露膊谷人氣　反被踩P圖太重手驚變范冰冰

內地女星祝緒丹憑內地劇集《倚天屠龍記》中演出「周芷若」一角為人認識，但後勁不繼，未再有大熱作品承接氣勢，令人氣回落。近日佢於社交網上載多張着上吊帶裙嘅靚相，大派福利博翻身，見佢露出香肩及微微騷出心口，輕性感之餘，又不失清純仙氣。不過有網民就質疑佢呢輯相疑似P圖太重手，令佢走晒樣，與平日樣子有出入，更離奇撞樣內地女星范冰冰，原本晒靚相谷人氣，反惹網友負評，認真失策。