為爸爸搞生日宴　林心如喺霍建華面前攬仔

出名孝順嘅台灣藝人林心如，年年都為父母大搞生日賀壽，上年佢就舉辦盛大壽宴為媽媽慶祝，現場更加星光熠熠。適逢11月4日係林心如爸爸生日，佢就帶埋老公霍建華難得合體現身，為林爸爸舉辦大型生日P，更有現場合照曝光。

見雙方父母都企喺在台上影相，氣氛溫馨，林心如就手拎住咪似係講緊嘢，同時另一隻手就攬住一位嫩口小鮮肉，即被網友笑指喺霍建華攬仔。但仔細睇，呢位男子似乎同霍建華哥哥霍建元有幾分相似，估計好大機會係霍建華親姪子。而林媽媽就同霍媽媽攬肩相擁，關係勁融洽，不過合照中，就未見到二人愛女「小海豚」，未知係咪為低調而冇嗌阿女上台呢？