李佳芯疑孖新仔日本行　輕井澤撐枱腳斷正

視后李佳芯貴為圈中女神，大家都好關心佢嘅感情世界，多次強調自己單身嘅佢，點知趁近日通關後即偷偷飛日本，諗住唔出聲去旅行，最後都係畀人發現，仲見到佢身邊出現神秘男子，疑似係高大新歡。有指李佳芯同疑似男友於輕井澤Outlet入面食和牛，該男子年約四十歲，髮型有型，二人又同遊「雲場池」，該地位於日本長野縣輕井澤町的一個狹長型人工湖泊，環境優美景色怡人，絕對係拍拖勝地。而佢呢幾日都有甫出合圖，似乎係佢去日本嘅環境照，不過就淨係見到佢一個人，未見有第二個人嘅蹤影。