曾與黃曉明拍拖3年︱秦嵐至今仍單身：內心渴望戀愛！

內地女星秦嵐憑《延禧攻略》成功走紅，其古典美貌以及空靈氣質，成為唔少人心中嘅女神。不過佢嘅情路就相當坎坷，最出名莫過於同黃曉明因戲結緣，拍拖3年，更去到談婚論嫁階段，可惜最終都係分手收場。

而現年43歲嘅佢，最近就喺內地綜藝節目《追夢人之疊彩人生》分享自己嘅感情事，佢話自己雖然單身，但內心仍然渴望戀愛，更自爆曾去過唔少相親場合，可惜最後大家都係做朋友，並冇開花結果。而唔少粉絲都表示，希望佢將來可以搵到個好歸宿，過幸福嘅生活。