何天嵐飛芭堤雅歎世界　大騷40吋白滑筆直長腿

入圍全球百大美女排行榜矚目的影壇新人何天嵐（Wren），最近接拍了一部香港科幻電影，趁着開工前與友人飛往泰國芭堤雅旅遊歎世界，抵達酒店她已急不及待第一時間穿上三點式泳衣跳入泳池，勁騷25歲青春本錢，40吋白滑筆直長腿，還有令人艷羡的蜜桃臀、火事辣業線，極之性感誘人！

高挑的Wren前年由模特兒入行，年中正式進軍影視界，Wren說：「放寬檢疫前，曾經去過一次日本，之後就冇去過旅行，等咗好耐啦，放寬檢疫後，即刻嚟泰國玩，今次同埋兩個女性朋友，我哋三個女仔每晚都逛夜市，每晚瘋狂咁食，晚晚食唔同種類美食，短短幾日，即刻肥咗4磅，我仲帶定咗一個大喼，準備行程最後兩天，瘋狂血併掃貨，唔理咁多，回港再地獄式減肥，開工前一定要減番嗰4磅，希望成功。」