舊牆翻新　髹油原來要咁做

牆身經過一段時間之後，例必變得殘舊，今集《自己屋企自己救》就要進行修復。實測使用4吋油轆及2吋油掃，先鏟走牆身鬆脫的批盪再補灰，之後使用砂紙打磨至平滑，再進行油漆步驟。個人感覺油轆易用，但牆身油轆痕迹非常明顯；油掃比較靈活，而且可以處理更多細微位置。

從事油漆工程逾20年的油漆世家油漆工程總監威師傅表示，髹大幅牆身建議選用6吋至8吋油轆或油掃，再配合1吋油掃處理細微位置。專業做法會先有問題的灰底鏟走，髹上第一層底漆，進行批灰及砂紙打磨後，最後到油漆部分。他指香港天氣太潮濕，推介使用防水、防霉、防潮的乳膠漆，會令牆身保養得更好。髹油技巧方面，會將牆身分為上中下三路，從左至右，每一路大概兩尺半，取油時油漆沾油掃毛的四份一，取油一次髹牆身3至4次。另外，每次髹油均需由中間開始，再向上向下掃，效果會較均勻。