張沛樂嫌未夠Fit　做瑜伽想靚嘢再凸出啲

「性感女神」張沛樂（沙律）為宣傳新歌《揚聲的地球》亮相電台DJ思敏節目，不過訪問地點不是直播室而是瑜伽室，她說：「我覺得好新鮮，原來依家做訪問都可以咁chill，唔係淨係坐喺錄音室，我不嬲都會寓工作於娛樂，體驗唔同嘅事物。」

首次玩空中瑜伽的她，初時還擔心自己筋骨太緊：「怕啲動作handle唔到，原來玩落都唔係太難，對於我呢個初學者都可以上手，雖然有啲動作都未做得好。」又多謝兼任瑜伽導師的思敏指導：「佢好好用心講解，做到嗰下好有滿足感，一來可以健康身心，二來又可以改善線條，我都想自己嘅body shape再靚啲，可以再凸出到靚嘅地方，修改未完美之處。」問到為何着風褸做瑜伽收埋美好身材，她就解釋：「因為驚啲瑜伽帶會整到成身瘀，所以我專登着番件風褸。」