鄭欣宜當眾飛釘　死口唔認：有做乳房預防措施！

歌手鄭欣宜今日（10日）現身《2022年度叱咤樂壇流行榜頒獎典禮》記者會，去年奪女歌手金獎的她，認為時間尚早，未有考慮拉票問題，現在滿腦子都是為拉闊騷做準備，還有幾天便開騷感到好緊張：「你知今次拍檔Anson Lo跳舞幾勁，我好驚走錯位，畀佢打暈咗點算。」完了記招後她便趕往排舞室排舞，對舞藝未感滿意，笑言已呼喚她的粉絲「Joysticks」和Anson Lo的粉絲「神徒」屆時在台下齊齊跳，給她提醒。欣宜大呻MIRROR的歌都好難跳，而Anson Lo甚麽舞都識跳，笑言想請他私教：「排完舞叫佢留堂教我，講笑啫！我唔會，亦做唔出，佢都要忙拍新歌MV。」今次拉闊有不少crossover歌，相信個騷會好玩及會好開心。

今日她穿上一襲超貼身裙，當眾飛釘，聽罷她即雙手掩胸，她表示：「我有做乳房嘅預防措施。」自言一向不行性感路線，但又不知自己行甚麽路線，十分搞笑。期間她突然作出投訴說：「我想投訴一樣嘢，一直以來，每次唱Live都會忘記歌詞，會即興加歌詞，我覺得我係有資格入圍唱作歌手，好憤怒！」