女兒追看《季前賽》力捧姜濤Anson Lo　張繼聰：無謂深究啦

藝人張繼聰出席溜冰見面派對，與一眾小朋友齊齊學溜冰，童星出身的他，透露早於6歲拍攝港台劇集時，已於該溜冰場留下蹤影：「當年拍一集要7、8日，所以溜足咁多日冰，好開心到今日，我嘅溜冰水平都係打平，起碼冇咁容易跣低，好似我嘅事業咁仲企喺度。」更指一對仔女也有學溜冰，但未有鼓勵零經驗的太太謝安琪挑戰。

談到他缺席同日舉行的《2022年度叱咤樂壇流行榜頒獎典禮》記招，阿聰笑指因路程遠兼有工作在身，但有睇直播支持：「見佢哋大合照好開心，但都只係同頭幾行嘅歌手比較熟。」

對於有份演出的ViuTV劇集《季前賽》反應不俗，阿聰指對街上獲市民叫他劇中角色名感高興，問到女兒是否只捧偶像Anson Lo場？他說：「主要係睇佢同姜濤，試過認真問爸爸定Anson Lo靚仔，佢會話爸爸大隻囉，所以無謂深究啦！」