家鄉開騷賀出道20年　林俊傑遇舞台意外傷勢曝光

新加坡歌王林俊傑最近迎來出道20周年，一連兩日去到新加坡國家體育場舉辦「JJ20 世界巡迴演唱會」，點知上周佢就喺舞台上不慎摔倒，令粉絲相當擔心，對此經理人公司都證實此事。

林俊傑當晚以《記得》揭開序幕，隨之氣氛一轉，他同14位嚟自韓國嘅舞者帶來《木乃伊》及《美人魚》，仲興奮表示能夠喺自己嘅「家」開啟20周年巡迴演唱會，別具意義。不過佢喺其中一個橋段時，原地自轉好幾圈後，停下來時因腳步未踩穩而跌倒，但當下單手撐地起身。之後演唱《一定會》時，又因為舞台機關移動令佢失足差啲跌，嚇到歌迷成身冷汗。經理人公司表示，林俊傑有因此受傷、扭到腳，摔倒後仍忍住疼痛完成演出，直到結束後先接受治療，但對於完成演出仍然好開心。

此外，林俊傑喺演唱會上分享心情：「面對大環境的改變，其實很多時候會找不到平衡點，好幾次差點被黑暗吞沒，不解自己為甚麼需要為自己沒有做過的事或虛構的詆毀做辯解？大家或許就是當娛樂新聞在看，但我們也是人。我的努力是為了真正懂我、愛我的人。」