陳展鵬被爆着透視衫扮天王：最緊要大家開心！

視帝陳展鵬出席無綫台慶劇《超能使者》宣傳，被同劇的林子善爆料指展鵬於一場穿透視衫拍攝的戲份，造型如同天王般，當時展鵬更搞笑大擺天王甫士，令劇組人員忍俊不禁，事後展鵬說：「嗰日都搞咗好耐，因為好驚爆胎。（扮邊個天王？）搞吓笑啫，大家覺得似邊個就邊個啦！（驚唔驚畀網民拎番你以前件魚網衫出嚟對比？）亞視啲娘嘢？其實係個人問題，唔關亞視事嘅，點講都冇所謂，最緊要大家開心，完全唔介意。」

對於今年視帝之爭，問到展鵬是否觀戰心態？他表示每年心態一樣，認為一切交給觀眾選擇：「頒獎禮一定要民選先好睇，要公平公開，觀眾睇得開心自然會投入。（撐邊個攞獎？）我好多兄分都未攞！（今年山聰6套劇！）有時唔係多劇一定OK，亦未必票房好就會攞獎，要睇角色嘅發揮，所以交畀觀眾選係唯一嘅出路。」更指今年公仔箱氣氛好，幾套劇集均收視報捷，還大讚《下流上車族》內容夠貼地，林敏驄、江美儀等主演均表現出色。