陳宇琛監場︱林佑蔚疑影全裸孕照　不倒胸等生B

藝人石修兒子陳宇琛嘅太太、前有線主播林佑蔚（Camille）依家大肚佗B女9個月，BB隨時出世，佢亦趁呢段時間走去影孕照，留住同BB最美一刻，當中更見到大膽嘅佢疑似影全裸孕照！因大肚而上圍升Cup嘅Camille，自懷孕後都成日晒出驕人上圍，今次佢更加晒出多張索爆孕照，佗B 9個月嘅佢同老公半躺合照，不倒胸原形畢露，加上佢哋分別上載Camille疑似全裸嘅單人相，明顯對張相好滿意。

Camille仲留言大讚陳宇琛係神隊友，表現畀足100分：「最後一個月，但係都仲消化梗 ?只係想講感謝老公100分嘅表現，有雜誌問我佢係『豬隊友』定係『神隊友』，我今次可以好肯定講（到目前為止）佢係神隊友（不過可以多啲staycation，唔好食晒大肚婆嘅嘢 =p）。但所有榮耀歸於神，我會繼續努力 ✨」