鄭希怡愛女「涼浸浸」成長力驚人　7歲身高直逼媽咪膊頭

藝人鄭希怡轉戰內地發展後，不時都參演劇集同綜藝節目，2015年更誕下囡囡涼浸浸。阿女因生得靚女可愛，加上活潑好動，深受網民喜愛，成為最受歡迎童星之一。

而不經不覺「涼浸浸」今年已經7歲，鄭希怡日前就喺社交平台分享同阿女嘅生活照，見佢兩母女去咗踩單車，場面相當溫馨。佢喺貼文寫到：「陪浸姐練車的週末！」而阿女除咗愈大愈靚之餘，仲高咗勁多，差唔到去到媽咪嘅膊頭，成長力驚人。唔少網民見相後都留言：「浸姐快要比妳高了」、「母慈女孝」、「長腿基因太強大」、「兩位美女」。