「街頭鄧麗君」為個唱加緊綵排　有信心入《中年好聲音》50 強

「街頭鄧麗君」龍婷（小龍女）將於11月18日於西九文化區戲曲中心舉行第3次香港個唱，她和兩位表演嘉賓漢洋及楊立門齊到Band房加緊綵排，開騷日子臨近，她說充滿信心：「準備得好充足，雖然3年冇做演唱會，反而令她更期待，揀咗好多歌迷喜歡聽我唱嘅歌。以前喺街頭表演時，大家好鍾意我唱鄧麗君小姐嘅歌，今次特登揀咗幾首大家聽，另外，仲會唱好多王菲、陳百強等嘅經典金曲。」

至於邀請楊立門及漢洋擔任表演嘉賓，她表示之前他們舉行個唱時都邀請了她任嘉賓，她笑言：「互相邀請。」問到由街演躍升到舞台開個唱，可會特別驕傲？她謙恭說：「我好感謝每一位歌迷，待疫情結束，我一定會再街演唱畀大家聽。」並透露之前已推出過20首屬於自己的歌，正籌備今個月再出新歌。

對於，被發現成功晉入了「中年好聲音」歌唱比賽，問到可有信心打入50強？她坦言：「當然希望，我好珍惜，不過每個歌唱比賽對選手嘅要求都唔同，所以隨緣啦，不過我會盡力。」