ERROR面對內憂外患 193阿Dee吵大鑊殺氣騰騰

20221117
東網電視
更多新聞短片
男團ERROR向來給人的形象是嘻哈搞笑無厘正經,4子感情不俗,但早前竟被發現於街頭鬧大交,面對內憂外患,最終更驚動警方到場調停。
ERROR 4位成員郭嘉俊(193)、梁業(肥仔)、吳保錡及何啟華(阿Dee)日前現身尖沙咀,為ViuTV新劇《極度俏郎君》(暫名)進行拍攝。當晚場口講述4子與大批市民於琴行門外通宵排隊買票,未幾193與阿Dee起爭拗,「內憂」未平,正當肥仔與保錡介入調停之際,另一邊「外患」又起,忽然一班南亞幫乘亂插隊打尖,雙方更各自「響朵」, 一名南亞幫成員更聲稱為幫會「咖喱堂」頭目,此時阿Dee就拿起電話向在場人士說:「我依家就吹雞,睇吓你哋仲有邊個笑得咁開心!」劍拔弩張,令氣氛十分緊張。不過阿Dee的所謂「吹雞」只是報警,警察到場後,插隊的南亞幫乖乖企在一邊接受調查。
認真對稿
當晚約10時,4子現身拍攝現場,經化妝後便圍在一起讀稿對戲,難得收起平日嬉皮笑臉的形象,對戲時非常認真,留心聽取導演給予指示,故NG次數甚少,拍攝相當順利,導演很快便滿意收貨,4子頓時放鬆不少有講有笑。雖然已踏入11月,可是當晚天氣亦不涼快,加上現場燈光照射,令身穿長袖衫的阿Dee不時要撥扇降溫,而保錡亦不忘叫助手影相打卡留念。