王君馨同老公分開10個月小別勝新婚　唔心急造人

王君馨今晚（17日）在尖沙咀出席藝術展亮燈儀式，她近日到內地工作拍電影、綜藝節目、廣告、為新歌錄音，與老公分隔異地10個月，完成工作後夫妻馬上到外地旅遊補償，她說：「今次係同老公分開最耐嘅一次，連生日都要視像慶祝，自己係好鍾意住酒店嘅人，但係住到6個月嘅時候，都真係思鄉，好掛住老公。」

她回港後立即與一班朋友見面，其餘時間在家黐住老公，感覺小別勝新婚。講到好姊妹鍾嘉欣已經誕下第3胎，問到她可開始造人大計？她笑說：「依家睇緊泰國、美國兩個劇本，亦有畀老公睇，睇吓拍唔拍得成先，如果唔啱就做其他嘢先，都好多嘢可以做嘅。」

將推出新歌的她指此後會停一停自資出歌，因新歌MV有不少CG特技，花了6位數，笑言再沒錢自資出歌。講到離巢後在台慶劇《超能使者》宣傳被消失，她說：「明白嘅，因為我都唔喺公司，自己用番自己嘅方式去宣傳，啱啱出席晚宴對劇集反應都好好，大家都好受落我呢個社團大家姐。」