許紹雄愛女下年出嫁　香港新加坡輪流擺酒夠威

資深藝人許紹雄同新加坡籍太太龍嬿而育有獨女許惠菁（Charmaine），前年一家移居新加坡後，Charmaine以一級榮譽成績傳理系畢業，更獲爸爸許紹雄打本百萬畀佢開Coffee Shop，上年就喺豪宅內獲未婚夫Shane求婚。最近許紹雄就自爆愛女下年年底就會正式出嫁，從事銀行業嘅Shane係新加坡人，所以二人打算新加坡同香港都擺酒，禮金「意思吓」就可以喇，仲話等佢哋決定幾時生B。

據知許紹雄為咗阿女婚後有個安樂窩，佢曾斥資2,300萬港元喺當地購入一個4千呎6房獨立屋，歸入女兒名下，更邀請當地區議員李美花以及多戶鄰居前來大屋聚餐，幫阿女幫到盡！