林志玲罕晒婚禮絕密片　AKIRA爆喊娶妻：最幸福的人

台灣女星林志玲同老公AKIRA喺2019年11月17日結婚，成為台灣同日本嘅一等一大事，當時二人於台灣完成婚禮，哄動全亞洲。依家二人育有一子，話咁快又到結婚3周年，一向低調感情事嘅林志玲，罕有於社交網分享近8分鐘嘅世紀婚禮絕密影片，公開感人又甜蜜嘅結婚誓言！

片中，林志玲由坐車前往婚禮場地時，佢已經忍唔住喺車上爆喊，之後二人面對面講誓言，AKIRA用中文承諾會令老婆成為全世界最幸福嘅人，林志玲眼淚流唔停，直頭好似開水喉咁，之後到佢向AKIRA甜蜜告白，第一句就嗌老公做「我最愛的良平」，又多次哽咽宣誓：「最好的時間，我遇見了你！」畫面唯美又令人動容，難怪林志玲都留言：「手牽手，帶著我們的小寶貝～所有美好都在路上❤️」真係Sweet爆！