梁靖琪離港拍新劇唔捨得細路　會帶細仔去

藝人梁靖琪（Toby）主演的劇集《蝕日風暴》最近在HOY TV播出，已經是兩個兒子媽媽的她繼劇集《家族榮後》事隔一年多後，12月將再離港拍攝新劇，她說：「拍《家》帶咗大仔去，今次開工會帶細仔，老公話佢哋都唔記得，我話係我唔捨得佢哋，放唔到手。大仔要返學，唔係會帶埋佢去，依家都不同佢做輔導，驚佢嬲咗我，自己都好內疚。」她慶幸有超級支持她工作的老公作為強勁後盾，她說：「老公都知道做媽媽其實好辛苦，湊小朋友由朝到晚，所以佢都好支持我出去做吓嘢，保持狀態。」

除了幕前演出，她還幫爸爸梁家樹打點幕後工作，問到是否準備接班﹖她說：「唔係，接唔到班，只係學野，覺得做幕前，去學做幕後都好重要，對演出有幫助。依家幫爸爸手去搵演員，亦跟爸爸學習點樣同人好好溝通。」