無綫讓ViuTV兩球！出動劉穎鏇三點式對撼世界盃英格蘭賽事

世界盃正式開鑼，今年ViuTV有19場賽事免費轉播，其中備受球迷愛戴嘅英格蘭將於今日（21日）大戰伊朗，賽事將於香港時間今晚9時開波，面對住港人向來熱捧嘅英格蘭賽事，無綫亦不敢怠慢，同時段播出嘅劇集《超能使者》同樣以「波」對撼，出動到小花劉穎鏇嘅火辣三點式吸睛，仲率先預告到今晚有得睇，瘋狂造勢谷收視，似乎希望與世界盃抗衡。其實於2018年世界盃，ViuTV播放3場英格蘭賽事，分組賽英格蘭對戰巴拿馬平均收視17點，英格蘭8強硬撼瑞典更有最高收視達21點，而《超》上周最高收視則有20.9點，未知能否成功搶灘。