馬國明親自宣布女友入圍　第一時將票上繳湯洛雯

視帝馬國明與譚俊彥（Shaun）出席《萬千星輝頒獎典禮2022》記者會，上屆視帝Shaun今年以《廉政行動2022》及《十八年後的終極告白2.0》角逐同一獎項，表示抱平常心看待：「其實《十八年後》有好多演員都入圍提名多個獎項，提名方面已經係大滿貫，今年競爭好激烈，私心就一定撐山聰嘅，反而自己今年就輕鬆好多，我好想多謝馬國明，因為佢去年鼓勵我。」

在旁的馬國明即笑說：「上年你攞硬，所以都好輕鬆。」負責揭曉「最受歡迎電視女角色」提名名單的他，當看到女友湯洛雯榜上有名即表示：「當然看好湯洛雯，梗係有私心啦！我會幫佢拉票，將我嗰票畀埋佢。（身家都畀晒女友？）呢啲私下講。（女友都有提名視后，攞埋就視帝后可以結婚？）唔關事！」馬國明亦憑《白色強人II》角逐視帝，揚言力撐同劇的陳豪和郭晉安，望劇集擸盡所有獎項。