Anson Kong首登大銀幕領軍謝票　想睇觀眾反應

由Anson Kong（江熚生）、蘇皓兒（Chloe）和湯洛雯等主演的新片《忽然心動》已上映，一眾主角日前分兩小隊到訪不同戲院謝票，分享拍攝趣事。首次踏入大銀幕的AK，對首次現身謝票活動大感新鮮：「興奮同緊張，好想知道觀眾對電影嘅睇法，好彩反應都算唔錯，大家畀咗好多鼓勵我。知道自己仲有好多進步嘅空間，會繼續努力，希望以後喺演戲路上大家會睇得出我愈嚟愈好。」

Chloe、馬志威和湯洛雯小隊則發現有戲迷一家大細捧場，Chloe開心謂：「始終係一部愛情喜劇，老少咸宜，希望能有大家嘅支持！」馬志威表示希望戲迷睇完開心地離場：「睇完呢部戲，相信對你嘅戀愛一定有幫助！」

湯洛雯則透露：「我首次拍電影，係十分難忘嘅回憶，希望日後會有更多唔同嘅嘗試。第一次謝票覺得好神奇，亦有少少怕醜，好開心大家都畀到好多反應，我特別感動。」