過千蚊賣純白浴袍　歐陽娜娜出Brand被轟搶錢

現年22歲嘅台灣女星歐陽娜娜近年人氣高漲，依家推出個人服飾品牌「nabi」吸金，尋日（21日）官網公布各項商品定價，包括衛衣、長褲、圍巾、襪子、浴袍、公仔等，設計走純白極簡風，但定價就高得嚇親人，最貴嗰件純白浴袍更開價索988元人民幣（約1,078元港幣），就連粉絲都唔肯課金大嗌「女神搶錢」！

佢呢個個人品牌籌備3年，尋日終於有得賣，官網公布「雲朵膠囊系列」共8個單品，包括長毛兔子公仔、浴袍、雲朵睡衣套裝、衛衣、長褲、雲朵圍巾、襪子、雲朵眼罩等。其中最貴嘅兔子耳朵造型純白浴袍同純白睡衣套裝定價988元人民幣（約1,078元港幣），但網友最接受唔到係兩對白襪竟要價168元人民幣（約183元港幣），其他商品包括長毛兔子玩偶、衛衣、長褲、圍巾定價也都近500蚊港幣，加埋材質普通，只被網友嫌棄。