張寶兒力撐袁偉豪脾氣好 蔣家旻有信心入「最佳女配」5強

20221122
東網電視
更多新聞短片
藝人張寶兒、蔣家旻(Angel)和「旅遊達人」項明生今日(22日)現身電視城,為全新旅遊節目《45日環遊日本》宣傳,整個日本行程共花費約30萬港元。姜麗文因事未能出席,但有拍片隔空支持。現場寶兒和Angel玩執喼,及寫下3人心願,寶兒希望驅走疫情,Angel就好希望拍第二輯。
是次遊日旅程,寶兒最長時間去足20日,連隔離時間花足一個月時間,行程中日日食雪糕,自言肥了不少,但工作量好大,經常踏着木屐跑幾條街,運動量好大,笑言可能Fit咗。今次旅程好開心可以認識好多團友,及去了很多從未去過的地方,參與當地獨有的祭典及睇花燈,體會到日本傳統的傳承。
問到老公袁偉豪(Ben)近日常在社交網爆seed發文,寶兒撐老公是一個好人,問到她會否幫手調停他與傳媒的關係?她稱:「佢唔係全部分享,可能只知片面,未必真係理解到佢嘅反應,後來我知道咗都理解。」她讚老公本身脾氣好及做事認真,不會將拍戲的情緒帶回家。她又說::「可能佢要求高,有時未達到要求,佢會講一兩句,不過唔使擔心。」提到Ben發文用字較暴躁,她撐夫說:「本身唔係呢回事,從文筆咁睇好似好大件事,其實佢對身邊人非常好,好似我開火煲濃嘢,會畀佢哦,咁我係抵鬧。」
蔣家旻透露旅程中讓她親親大自然,看到難得一見的3000年杉樹,又可享受浸溫泉,14天行程,幾乎日日浸溫泉,笑言浸到甩皮,「因為唔知日本幾時開關,把握呢14日,驚無得浸,點知返到嚟日本就開關。」
提到她憑《美麗戰場》角逐「最佳女配」,至於劉佩玥和朱晨麗就角逐視后,似造就Angel 成為女配大熱,她笑言女配有38人,競爭都相當激烈,又說:「可能每個人定義唔同,人哋會覺得4個都係女主角,但我拍完都覺得自己係女配角,無乜嘢,個個觀點唔一樣,提名控制唔到,等公司決定。」她對入5強有信心,但對獎項就無特別諗,不抱太大期望,一切隨緣。問她是否覺得角逐女配較着數?她稱楊卓娜和趙希洛都很好,其實個個獎項競爭都好激烈,一切聽天由命。