姚焯菲張馳豪合體開騷 挑戰一晚唱足30首歌

20221123
東網電視
更多新聞短片
「國民初戀」姚焯菲與張馳豪將撇下「聲夢」隊友開騷,揚言感覺既驚又喜,為挑戰一晚唱足30首歌,連日來已閉關作加強訓練,望屆時能互補不足!
姚焯菲(Chantel)與同是「聲夢」出身的張馳豪(Aska)早前合作廣告大受歡迎,他們將於本周末再度合體,於旺角麥花臣場館舉行一連兩場演唱會,Chantel預告今次演出將有多個挑戰,除了獻唱未曾唱過的歌曲,亦會與Aska一起跳舞,保證為觀眾帶來驚喜。
以往總動員15個一起開騷,Chantel坦言當初以為第2個演唱會也是整隊學員上陣,從沒想過最後只有她與Aska,由於從接獲通知到開騷時間不到2個月,時間相當倉卒,故需加倍努力練習,她說:「唱歌要加強磨練,表現要更加好,啲歌都係上星期先定,所以成件事好趕。(會唔會請嘉賓?)有打算,但未確定,都係公司安排。(嘉賓係幫手救場?)係呀,依家我哋係互相幫助,最擔心係唱歌,因為個騷2個鐘,冇試過一晚要夾埋唱30首歌,一人唱10首,呢樣嘢好需要去練,練習比平時多好多倍,以前一星期一、兩堂,依家差唔多每日都去。」
而Aska則表示以往開騷「柴娃娃」,可以一起分擔緊張及傾偈,如今只有他與Chantel感不習慣,問到年紀較大的他,能否安撫到Chantel出場前的情緒緊張?Aska說:「我都係新人,一齊面對大挑戰,其實係又興奮又緊張。(問前輩意見?)某程度上,佢哋意思上都係叫放鬆啲,一步一步去做就可以。」與人氣王炎明熹(Gigi)感情要好的Chantel,揚言也會向對方請教舞台經驗。
問到2人可會邀請「聲夢」學員前來捧場?Aska表示已一早向隊友們發「訊」,認為他們絕對沒有任何抗拒的理由。談到未來音樂方向,Aska指期待盡快推出劇集以外的單曲:「本身有作曲,製作中,希望快啲面世!同埋想繼續喺創作音樂方面多啲嘗試。(之前喺《美麗戰場》暖男角色深入民心,有冇劇癮?)反而想拍電影,因為同拍劇形式完全唔同。」
至於已推出兩首單曲的Chantel,就預告將與After Class推出新團歌,亦想嘗試寫歌:「Aska識寫歌係好好,我都想學習呢樣嘢,所以要培養下。(要兼顧事業同學業好辛苦?)已經習慣咗,我覺得仲可以分散注意力添,好在啲功課唔使即刻交,可以拉開嚟做,只係數學係差啲。(冇隊友教到你?)冇,但其實我啲數學比傳統學校容易,唔只低一級,我諗英文先深過佢哋。」
場地:Studio Meta
姚焯菲髮型:Hugo Poon @ iiAlchemy
化妝:King Yip @ Kings MakeUp