林峯放閃閃錯隔籬　吳卓羲餵張馨月食嘢更有愛

藝人林峯同太太張馨月成日放閃，尤其張馨月愛拍片，時不時就會post湊女日常，今次佢就約埋內地真人騷節目《披荊斬棘》哥哥、林峯好兄弟吳卓羲（Ron）、阿信、陳浩民老婆蔣麗莎等去BBQ，加物阿女「格格」同行，係幾溫馨嘅。片中，見到阿女喺草地周圍跑，玩得勁開心，當中林峯更攬實老婆瞓晒落地，大晒恩愛，不過佢哋dinner整BBQ時，就見到大廚上身嘅吳卓羲，當住林峯面親手餵張馨月食嘢，明顯好兄弟入晒屋，連「朋友妻」都咁close，似足屋企人一樣你一啖我一啖，成班friend關係緊密。