孖住跳葡國舞！敖嘉年舉起焦媛有難度

藝人敖嘉年、焦媛及鄭國江等今日（23日）現身觀塘，為聖誕期間公演的音樂劇《安娜·卡列尼娜》作演前分享會。談到節日要工作，2人均表示很高興，焦媛指近2年疫情令她未能演出，笑言現在才是回復正常，敖嘉年則説：「以前拍劇都係咁，農曆新年都會有通告。」焦媛即打趣追問他當年是否有「雙工」，又笑謂：「舞台劇好少Budget，冇雙工，係陰公，哈哈。」她透露今次是改編音樂劇，更是她首次自編自導自演，所以特別緊張：「半年前已Zoom同大家讀稿。」

今次音樂劇包含唱歌及跳舞，敖嘉年坦言跳舞有難度：「要跳葡國舞，好驚捉錯拍子，仲要舉起佢（焦媛），好在佢夠瘦。」他又自爆排練時經常貪玩亂改詞，問到焦媛有否因而發火？她即澄清說：「冇呀，我依家成熟咗好多，哈哈，其實我係嚴謹唔係惡，不過就傳下傳下啫，我個樣唔係討好，唔笑就好認真，其實我係一個和藹可親嘅人，依家係咪都笑住。」敖亦形容最初認識對方時，她給人很硬朗的感覺，但接觸過後就才知她原來很玩得。