鄭裕玲走在煲劇最前線 讚宋仲基萬中無一

2022年11月23日 19:01
東網電視
更多新聞短片
向來走在煲劇前線的鄭裕玲(嘟嘟)昨日(22日)在電台節目《口水多過浪花》,分享由男神宋仲基夥拍「百想影帝」李星民和「氣質女星」申鉉彬主演的Viu Original原創奇幻韓劇《財閥家的小兒子》,大讚宋仲基人設是「萬中無一」,一輪嘴讚他出身不俗,又靚仔,由中學至大學都是校草,而成績體育都好,還考入知名大學,余德丞在旁稱宋仲基還很打得,原來嘟嘟在MAMA頒獎禮見過宋仲基真人,大讚:「的確係玉樹臨風!不過唔知點解一直冇吸引到我睇佢嘅作品,直至呢套,佢今年都37歲,但係可以扮大學生喎!你唔會覺得佢扮𡃁仔!依家播咗三集,佢嘅野心已經出咗嚟、有晒部署,淨係睇演技我都覺得好睇!」
她又讚李星民實力出眾:「只要有李星民出現嘅劇集,佢都會盡力做,而角色亦都非常有魅力。佢喺第一集最尾出場,無講過一句說話,但有種攝人魅力,會令你覺得『有呢個演員喺度就掂喇!』」她並稱同劇還有很多韓劇熟面孔,全部都好演技。