泰國性感廚娘 甜入心

2022年11月23日 23:00
東網電視
更多新聞短片
見到Manita Akair呢位「甜品師」,未食已令男士心思思。(互聯網)
性學家話食甜品可以提升性慾,最啱對性愛提唔起興趣嘅男女,只係男士面前如果出現呢位嚟自泰國嘅美女甜品師Manita Akair的話,相信未食就已經㷫合合喇!
甜得有理
有乜嘢可以提升男女嘅性趣?朱古力係個相當唔錯嘅選擇,因為朱古力嘅主要材料可可豆中,所含有嘅精胺酸、色胺酸、成分苯乙胺醇等成分,能令男士兵器更易進入硬直狀態,又因當中嘅色胺酸能刺激大腦產生喜悅感,女士會變得更易動情。如果想食中式嘅甜品,芝麻糊原來都係個唔錯嘅選擇。而呢位嚟自泰國嘅性感女郎Manita Akair,其實並非甜品師,佢本身係一位網紅,呢個性感甜品師造型只係佢嘅寫真照嚟,但有唔少網民都話,如果佢真係去做甜品師,縱使唔係着得咁性感,仍然可以客似雲來。唔知Manita Akair睇到網民嘅留言後,有冇諗住開番間甜品店呢?
真空圍裙
事實上,Manita Akair唔使做甜品師,喺網上嘅人氣已經夠勁,原因好簡單,只要睇吓佢喺社交平台上分享嘅福利相,就知道佢點解會咁紅。擁有玲瓏浮凸身材,以及迷人美貌嘅佢,經常派性感寫真福利照益粉絲,上半身真空加圍裙可謂指定動作,美乳側露加埋激細比堅尼,迷人身段一覽無遺,呢種至係視覺震撼呀!
此外,要欣賞到佢迷人身材嘅話,除咗比堅尼外,其實Manita Akair仲有其他方法,好似透視睡衣、緊身運動服,甚至係性感Cosplay等,無論任何造型都能輕易吸引大家嘅目光。可能有人覺得只係喺社交平台發送福利相,吸金力唔夠高,其實Manita Akair仲喺OnlyFans上有會員帳號,而當中嘅火辣寫真更激更吸睛,邊個話佢吸金力唔勁?
Manita Akair嘅社交網有逾11萬粉絲,當中大家可以欣賞到佢好多唔同造型嘅火辣寫真照同短片,其性感魔力輕易令男士心郁!