豪住澳門富貴5星級酒店　Baby使錢唔肉痛

女星Angelababy（楊穎）最近去咗澳門出遊散心，見佢拍片放飛自我秒變「楊三歲」，原來片中內有乾坤，雖然女神頻頻被踢出C位，演藝資源上滑，不過佢對生活依然有講究，佢開箱自己入住間酒店，原來係位於路氹嘅5星級靚酒店，房價每晚約3千多港紙，房內除有按摩椅外，亦有超巨型浴缸。近年因疫情關係而割價嘅澳門酒店多不勝數，唯獨呢一間就未有加入減價行列，睇嚟Baby被「降呢」都未有影響其生活質素，住得豪最緊要。