飲食界名人捉姦片下集流出 現場疑有「第四者」在場

20221124
東網電視
更多新聞短片
近日網上流傳一段疑似本地飲食界名人捉姦片,當場斷正索爆老婆與男子偷食成為全城熱話,片中女主角瘋傳係KOL Alva,而有指該飲食界名人正是Simon Choi。原來好戲在後頭,捉姦片段仲有下集,原本片段至丈夫大力揭開妻子嘅被褥為止,但其實後續仲有「消失嘅44秒」,交代如何收場,當時打開被褥後,妻子雖有着上衣,但下體則裸露,佢先睡眼惺忪問道:「咩事呀?」之後未有理會繼續大被蓋頭倒頭直睡。鏡頭一轉,疑似「姦夫」則火速走到客廳着番衫褲,急急腳離開,同時現場疑有「第四者」嘅膊頭入鏡,負責拍片嘅丈夫輕咳了一聲示意,該「第四者」即意會閃開。片段最後以「姦夫」離開、妻子熟睡作結,期間現場眾人未有再出聲,沉默一片耐人尋味。