丘梓謙做「蔥頭」再彈起 連續兩年入圍「男飛躍」

20221124
東網電視
更多新聞短片
藝人丘梓謙憑處境劇《愛.回家之開心速遞》「蔥頭」一角人氣急升,近日更入圍《萬千星輝頒獎典禮2022》「飛躍進步男藝員」,亦係佢第二年再憑「蔥頭」入圍,佢接受東網訪問坦言今年多咗好多新嘗試,能夠提名已感滿足:「長時間工作上都畀自己信心,不論拍劇、跳舞,今年最開心試咗好多嘢,有得拍電影,《愛.回家》發揮都多咗,除咗講『蔥頭』嘅藝人生活,都同Bonnie(林凱恩)有愛情線,令更多人認識多咗『蔥頭』,唔止係偶像,原來都會談戀愛。自己都希望可以入到5強,但其實有提名已經好開心。」
另外,做過跳舞老師嘅佢早前於台慶表演同女友麥皓兒拍住上,男、女子組輪舞,其中佢孖住劉展霆、葉泓聲(Gordon)等Super Tiger成員大跳Hip Pop獲得網民激讚,甚至指與郭富城演出有得揮,舞蹈實力得到認同。