陳庭欣所有球拍運動都唔識 最叻落水玩

2022年11月24日 15:28
東網電視
更多新聞短片
藝人陳庭欣(Toby)今日(24日)出席壁球公開賽記者會,Toby表示不懂打壁球,她笑言:「我擅長水上運動,有球拍嘅運動都唔識,唯一識嘅係電蚊拍,哈哈!壁球又細,速度又快,感覺好難打得中,都有少少興趣學。」
除了水上運動,她透露最近被迫學瑜伽:「因為我夾一個朋友一齊跟老師上堂,對方安排好晒,冇理由唔上堂,不過我想澄清番,我做瑜伽嘅背景並唔係我間屋,而係我朋友間屋,我間屋冇咁靚,大家唔好誤會,我之前第一次做到咁高難嘅動作,所以就放上網,點解大家錯Focus。」Toby坦言之前以為瑜伽又慢又悶,但上了幾堂發現也有好處,自己高了半吋,因為拉筋有助改善寒背:「依家年紀大真係好需要運動,因為年紀大咗好難Keep,以前花一個星期修身,依家要兩個星期。」