何沛珈奪冠後未加Job　力Sell瞓得少博做何N組

藝人何沛珈（Roxanne）與關楓馨（Fabienne）今日出席壁球公開賽記者會，Fabienne表示大學時有玩過壁球，但自認無天份，而Roxanne稱只懂跑步，並有專門向教訓請教步姿，問她是否自從獲得《香港小姐再競選》冠軍後工作增加？她否認：「同參賽前差唔多，都係拍《東張西望》、《愛．回家》同《異空感應》，唔算好多，仲應付到，希望愈多工作愈好，想做何N組。（冇得瞓喎？）瞓覺唔重要，我喺車都可以瞓，我發現我瞓8個鐘會頭痛，瞓6個半鐘就夠。」

至於Fabienne透露水正在拍攝劇集《妳不是她》，在劇中飾演老師，問她跟誰有較多對手戲？她說：「庭鋒。（姓黃定姓謝？）黃庭鋒都OK，我當然唔介意同謝霆鋒合作啦！冇謝，有個黃都算好。（同有冇感情線或親熱戲？）冇。（咁有冇失望？）冇。仲Keep住個螢幕初吻。（有得揀想螢幕初吻畀黃定畀謝？）咁有得揀緊係畀謝霆鋒，但冇得揀。」