陳寶珠相隔多年再出騷 忠粉帶橫額到場打氣

2022年11月24日 16:35
東網電視
更多新聞短片
久未露面的陳寶珠今日(24日)出席尖沙咀慈善活動,一班忠粉帶同橫額到場打氣,寫上對偶像的掛念:「天氣漸涼偶像要加衣,我哋期待再聚!」認真窩心。寶珠姐表示已多年無出席公開活動,是次除了做慈善,亦是專誠來見粉絲:「因為疫情嚴峻,身為長者要小心啲,所以一路唔敢除低口罩,我知粉絲好掛住我。(有甚麽要同粉絲講?)多謝咁多年咁支持我,比正能量比愛心我,有啲粉絲年紀同我差唔多,有啲就後生啲50幾歲,好難得有啲對我咁好嘅朋友,不離不棄,好開心。」提到她為慈善做大使多年,故一定要現身支持。
有傳寶珠因為腰患,兩年前要辭演粵劇演出,她承認患有坐骨神經痛,腳不太好,要做運動及做物理治療,現在狀況已轉好,平日會行海旁,暫時未有再做粵劇的計劃,但向粉絲保證:「梗有機會,身體為重,會再次演出,最緊要有信心。」
粵語片女星嘉玲早前不幸在睡夢中離世,寶珠姐大讚嘉玲好人:「我做女殺手要拍片頭歌,打電話畀嘉玲,佢幫我諗造型,佢好好人會幫我。」2人合作過一部粵語片《玉女追兇》,之後好難見到,問到七公主會否聖誕相聚?她說:「暫時唔會,要保持健康安全,盡量少啲接觸人群。」