貝依霖遭爆「被包養」　如屬實唔怕認：係一種本事

近日網上KOL接連「出事」，先有Alva疑似被捉姦在床，再有網上人氣高企嘅性感女神貝依霖（Chantale Belle）遭「富貴KOL」Sean Lam爆料，指她「被包養再貼錢養小鮮肉」！對此，貝依霖發文反擊指該謠言冇新意：「其實都傳咗咁多年，包我嘅人你喺邊度啊？hello 出嚟打個招呼好嗎，我搵你搵得好辛苦。」並表明與爆料者不相熟：「唔知點解突然就好似同我好熟，講我好多嘢似層層咁。」

佢又笑指如果屬實唔介意認，因為能夠被包都係一種本事：「如果真係有嘅話我真係唔介意畀人講，因為畀人包同埋包小鮮肉都係一種本事，你哋都唔知我渴望咗幾多年，辛苦命要靠自己，好可惜不得不承認我暫時未有呢個本事。」其實貝依霖向來火爆，今年中曾有男網友向她發露骨訊息邀約發生關係，即被她公開對話公審，絕不啞忍。