張寶兒反轉日本 着和服見識14萬人祇園祭

20221124
東網電視
更多新聞短片
張寶兒、姜麗文和蔣家旻輪流擔任主持的無綫全新旅遊節目《45日環遊日本》今晚(24日)播出。首兩集打頭陣亮相的是張寶兒,她在「旅遊達人」項明生帶領下先後走訪疫後京阪、北陸地區/中部地區及北海道,親身體驗京都千年祭典祇園祭、試玩大阪通天閣動用3億日圓(逾1,600萬港元)建成的全新超長滑梯、凌晨出發體驗北海道TOMAMU的雲海,更有機會入住8萬元一晚的京都五星酒店總統套房。而去到日本自然品嘗了不少美食好似飛驒牛、蜜瓜香檳祭、海膽飯、日本三大蟹、和牛鐵板燒等,大飽口福。
在祇園祭中寶兒與項明生齊齊穿上日本傳統和服,躋身在14萬人次的人潮中,近距離見識代表京都各個地區的特色「山鉾」,她說:「祇園祭真係好多人,喺起點嗰度已經塞住咗,冇辦法再前進,第一次喺日本感受到人貼人嘅感覺,非常之逼。」寶兒又指拍攝雲海當日行程緊湊:「前一晚拍到夜晚9點,我12點左右瞓,之後2點起身化妝做準備,要趕搭頭班車霸位先至拍到靚啲嘅畫面,我哋睇到好靚日出呀,成個天好似畀火燒咁。」
講到在行程期間烏龍遺失證件及銀包,她笑說:「平時好少咁大懵,啲團友仲擔心過我,買埋雪糕畀我食定驚,好彩最後原來冇唔見到。」講到旅程防疫工作,她指做到足,在室外也不會除口罩,以及帶備空氣清新機。