被提名「飛躍進步女藝員」 關嘉敏自爆精神分裂:好激動!

2022年11月24日 22:01
東網電視
更多新聞短片
藝人關嘉敏(Carman)日前百忙中抽空參加人數達20人的家族旅行,目的地是韓國濟州島,難得參加今次家族聚會,當然多了不少增進感情的機會,當中更和6歲的姪女拉近距離。Carman說姪女由出世至今,每次一抱她就喊,令Carman非常無奈,但經過今次旅行,兩人關係突飛猛進,更去到難捨難離,旅行結束要各散東西時,姪女因不捨得Carman離開而大哭,令Carman哭笑不得。
問到Carman韓國一行有否放肆吃喝而增磅,她說:「唔係呀!我係瘦咗返嚟,因為唔敢食咁多,怕返到嚟香港着唔落出席台慶嘅晚裝,我每次同啲美食合照完,都係食2啖就收手,睇住屋企人食,我惟有飲多幾啖水就算。每晚喺酒店做運動,其實自己喺健身房做運動都幾悶,好在有開Live,好多粉絲同我傾偈打氣,所以唔經唔覺,就做咗兩個鐘頭運動,超標完成每日嘅運動量,所以瘦咗。」
Carman續說此行零艷遇,但獲不少長輩觀眾認出:「冇異地情緣發生,但係就充滿長輩緣,喺韓國有餐廳侍應、馬來西亞旅客認得我,有好多叔叔嬸嬸走埋嚟同我傾偈影相,仲叫我好好加油,我真係估唔到,我喺馬來西亞嘅Fans年齡層咁廣,我會繼續努力,報答佢哋嘅支持!」對於首次在台慶頒獎禮被提名「飛躍進步女藝員」,她說:「真係好開心好激動,心情平復後,就同自己講,有提名證明努力係冇白費,唔好畀自己壓力,但另一邊又諗,如果攞到獎就好,真係好精神分裂,哈哈!公司上上下下、仲有所有親友都主動幫我拉票,唔使2小時就收大量信息話已經投咗票畀我,大家咁支持,我真係好感動,無論結果係點,我都會繼續努力,繼續做我鍾意嘅演藝工作。」